Опуштено стомаче, целулит: Инфлуенсерка ја покажува вистината зад совршените Инстаграм фотки

„Да се прифатиш себеси само ако изгледаш на одреден начин не значи да се сакаш себеси, туку да се самоуништуваш“ – ова стои во последната објава на Инстаграм инфлуенсерката Џорџи Кларк, која на својот профил објавува фотографии со кои сака да покаже колку се значајни позирањето и светлото за совршен приказ на телото во фотографиите што познатите дами ги објавуваат на социјалните мрежи.

Џорџи (27) од Лондон објавува фотографии во стилот „пред и потоа“ со кои сака да покаже во колкава мера споменатите фактори се значајни за креирање совршени фотографии.

Таа појаснува дека некогаш е потребно да се најде вистинското осветлување, да се најде совршениот агол и секако да го затегне стомакот за да направи совршена фотографија.

Наспроти тоа, имаме можност да ги проследиме и целосно природните фотографии, на коишто се гледаат во целост сите несовршености на нејзиното тело, па и целулитот.

Водена од мотото „да ги нормализираме нормалните тела“, таа се надева дека со овие фотографии ќе ја покаже „вистината и реалноста“ зад перфектните фотографии на социјалните мрежи.

Таа до фотографиите напиша: „Со разлика од една минута = двете се за на Инстаграм. На левата фотографија позирам... На другата сум опуштена... Двете фотографии се убави и треба да бидат споделени на оваа платформа“.

Инаку, таа на својот профил на Инстаграм веќе има околу 660.000 следбеници и промовира реалистичен имиџ за телото. Како што нагласува оние што имаат познавање од манекенство знаат како да го држат сопственото тело, но тоа не значи дека и оние што не знаат како да го направат тоа не се убави и совршени.

„Сите ги објавуваат само нивните најдобри фотографии, фотографиите што им се допаднале најмногу, на кои што се во најдобар агол или во добро светло. Тоа е во ред.
Но, кога само тоа го гледаме на социјалните медиуми, забораваме дека реалноста сѐ уште постои за сите“ - вели таа во написот до една од фотографиите на коишто позира во долна облека.

Во продолжение проследете повеќе фотографии од Инстаграм профилот на инфлуенсерката:

Б. С. Б. | Црнобело