Трикови како сами да си ја негувате косата, а да изгледате како да сте излегле од фризерски салон

Не ја пуштајте пеглата на највисока температура

Ако ја пуштите пеглата на највисока температура, ќе ја оштетите косата многу повеќе

Истовремено, пеглата не треба ни да биде со многу ниска температура. Во овој случај ќе треба да поминете со неа неколкупати на истиот прамен, па повторно повеќе ќе ја оштетите косата.

Што значи, не користете температура повисока од 180 степени и пониска од 120-130 степени.

Користете фигаро само на чиста коса

Немојте да ставате продукти на косата пред да ја навиткате со фигаро.

Продуктите не само што ќе го оштетат фигарото, туку и локните нема да траат многу долго.

Единствено треба да ставите средство за заштита од топлина.

Бидете внимателни со ротирачките четки за фенирање

Добро расчешлајте ја косата пред да користите ротирачка четка за да го избегните заплеткувањето.

Покрај тоа, ако имате многу тенка и кршлива коса, овие четки можеби не се најдобри за вас бидејќи можат да ви ја оштетат косата.

Немојте да ја третирате косата со топлина ако е заплеткана или немиена

Ако поминале три денови од последното миење на косата, немојте да ја третирате со топлина, ако не сакате да ја оштетите повеќе.

Исто така, секојпат кога користите фигаро, пегла за коса и слично, косата не треба да ви биде заплеткана за да го избегнете оштетувањето.

Спирова С. | Црнобело