Како да се заштитите и разладите за време на топлотен бран?

Знаевте ли дека лутата храна може да ви помогне да се разладите? Како да ги преживеете најжешките денови од летото?

Секоја летна сезона се соочуваме со барем еден топлотен бран – период на многу високи температури кои можат да бидат и опасни.

Неколку совети што ќе ви помогнат да ги преживеете најтоплите денови во летото:

Направете си купка со топла вода 

Кога ни е жешко, ни изгледа логично да се разладиме со студена вода.

Но, истражувањата покажуваат дека купката или туширањето со топла вода се многу поефикасни во спуштањето на температурата на телото, а со тоа и разладувањето.

Па, во многу топлите ноќи, околу час-два пред спиење релаксирајте се со топла купка.

Јадете лута храна 

Можеби и овој совет не звучи интуитивно, но лутата храна може да ве разлади повеќе од пијалак со мраз.

Кога јадете лута храна, внатрешната температура на телото се зголемува. Со ова се зголемува циркулацијата на крв, телото почнува да се поти, а сите знаеме дека потењето е механизам за разладување.

Секако, ако не сакате лута храна, не се присилувајте и пробајте да се разладите со некој од другите совети.

Ставете ја постелнината во замрзнувач

Ако имате простор во замрзнувачот, ставете ја постелнината во ќеса, па во замрзнувач.

Доволно е да отстои 10-тина минути пред да си легнете.

Само осигурете се дека ќе ја ставите постелнината во добро затворена кеса за да не се навлажни или извалка од замрзнувачот.

Ставете мраз пред вентилаторот

Ако користите вентилатор, пред него ставете шишиња со замрзната вода.

Температурата на воздухот околу шишињата е многу ниска, а вентилаторот ќе го разнесе овој студен воздух низ просторијата.

Избегнувајте кафе и алкохол

Кафето и алкохолот предизвикуваат дехидратација, а ова е едно од најлошите нешта што може да ви се случи за времена топлотен бран.

Кафе пиете само наутро, а алкохолните пијалаци оставете ги за вечерните часови, кога температурата е пониска.

Носете широка облека

Во најтоплите денови избегнувајте облека која е залепена за телото. Тесната облека делува како изолатор и може дополнително да ја зголеми температурата на вашето тело.

Исто така, важен и материјалот - држете се до лесни материјали како лен и памук.

Бидете во затворена, климатизирана просторија кога е најжешко

Освен ако навистина немате потреба, во најжешките денови избегнувајте да излегувате од 11 до 15 часот.

Овој период температурата е највисока и може да се чувствувате лошо дури и ако сте со добро здравје.

Ако имате какви било здравствени проблеми или сте бремени, консултирајте се со лекар пред да излезете во најжешкиот период од денот.

Спирова С. | Црнобело