Витамини и минерали што треба да ги внесувате уште сега, за да ги избегнете настинките во студените денови

Витамин Ц

Добро познат факт е дека витаминот Ц го зајакнува имунитетот.

Покрај тоа, го штити телото од слободните радикали – молекули кои се поврзани со појава на болести на срцето, рак и слично.

Исто така, витаминот Ц помага во апсорпцијата на железо.

Бидејќи нашето тело не произведува витамин Ц, важно е да консумирате храна која го содржи.

Овде спаѓаат намирници како:

• Цитрусно овошје
• Домати
• Пиперки
• Зелка
• Брокула
• Спанаќ

Витамин Д

Витаминот Д го поттикнува апсорбирањето на калциумот, а важен е и за одржување на потребната концентрација на калциум и фосфат во коските.

Витаминот Д штити остеопороза, а може и да ги намали воспаленијата во телото.

Храната богата со витамин Д вклучува:

• Лосос
• Туна
• Жолчки од јајца
• Говедски црн дроб
• Печурки

Цинк

Цинкот е минерал кој е клучен за правилна функција на имунолошкиот систем и имунитетот.

Исто така, цинкот го поттикнува заздравувањето на раните.

Овој минерал помага и во борбата против настинки. Но, доколку пиете други лекови, разговарајте со лекар пред да земате суплементи со цинк бидејќи може да ја намали ефикасноста на лекот и да предизвика несакани ефекти.

За да го зголемите внесот на цинк, консумирајте повеќе:

• Морска храна
• Грав
• Јаткасти плодови и семиња
• Млечни продукти
• Месо

Ако се храните здраво и разновидно и немате здравствени проблеми, тогаш сигурно внесувате доволно од овие витамини и минерали.

Доколку сепак сакате да земате и додатоци во исхраната, задолжително консултирајте се со лекар.

Некои суплементи, како оние со цинк, можат да реагираат со одредени лекови. Покрај тоа, постои и опасност од „предозирање“ со некои суплементи.

Вашиот лекар ќе ви каже дали има потреба да внесувате додатоци во исхраната, а ќе ви помогне и да ја одредите соодветната доза за вас.

Спирова С. | Црнобело