Дали ишијасот е знак за сериозен проблем и колку долго трае болката?

Оние кои имале ишијас ќе ви кажат дека во животот не почувствувале полоша и посилна болка. Но, важно е да знаете дека иако болката од оваа појава е парализирачка за некои луѓе, во повеќето случаи не претставува сериозна закана по здравјето и само треба да издржите додека да помине.

Ишијасот претставува болка која се појавува од половината надолу и во едната нога.

Оваа болка може да биде многу силна, па и парализирачка за некои луѓе, а уште полошо е што може да трае од четири до шест недели.

Во некои случаи, болката станува и хронична.

Што треба да знаете за ишијасот?

Зошто се јавува ишијас и кој е изложен на поголем ризик?

Ишијасот не е болест сама по себе, туку е симптом, односно болка, трнење и слабост во едната нога.

Оваа болка се јавува кога има притисок или оштетување на таканаречениот ишијадичен нерв.

Овој нерв почнува на долниот дел од грбот и се спушта надолу во двете нозе.

Нервот е одговорен за контролирање на мускулите на задниот дел од коленото и долниот дел од ногата.

Поради ова, болката се чувствува во овој дел од телото.

Дел од најчестите причини за појава на ишијас се:

• Проблеми со ’рбетот, како дискус хернија и спинална стеноза
• Повреда или скршеница на карлицата
• Тумори

Не мора да значи дека ишијасот е знак за нешто сериозно, без разлика што болката е интензивна.

Постојат и други причини за негова појава и затоа е најдобро да се консултирате со лекар.

Дел од ризичните фактори за појава на ишијас:

Возраст – некои проблеми со ’рбетот се почести кај повозрасните;

Дебелина – вишокот килограми создаваат притисок на ’рбетот;

Работно место – луѓето со работни места кои бараат кревање тешки предмети и слично го зголемуваат ризикот;

Седење – луѓето кои седат поголемиот дел од времето и ретко се движат е поверојатно да се соочат со ишијас;

Дијабетес – болеста го зголемува ризикот од оштетување на нервите.

Кои се симптомите?

Веќе спомнавме дека ишијасот е болка во едната нога.

Додека кај некои луѓе болката е блага, за други може да биде парализирачка.

Најчесто болката е во едната нога, но може да се почувствува и на горниот дел од друга нога или колковите.

Во ногата што ве боли може да чувствувате и слабост, а да ви биде отежнато и одењето.

На почетокот болката може да биде блага, но да се засили во следните ситуации:

• По седнување или станување
• Во одредени периоди од денот, како навечер
• Кога кивате, кашлате, се смеете
• Кога се напрегате (како кога одите во тоалет) или го задржувате воздухот

Продолжува на следната страница...