9 можни причини зошто очите ви се иритирани и ве чешаат

Конјунктивитис

Конјунктивитисот е вид воспаление на окото кое може да биде предизвикано од бактериска или вирусна инфекција.

Во овој случај се јавува чешање и црвенило на очите, како и зголемено лачење слуз.

Страни објекти во окото

Ако немате алергии или други проблеми со очите, а забележувате иритација, чешање, па и црвенило, најверојатно имате нешто во окото, како прашина.

Можно е да чувствувате и притисок во окото и потреба да трепкате или да го затворите окото.

Ако се сомневате дека ви влегло нешто во окото и симптомите траат подолго, најдобро е да одите на лекар, а не да пробувате да го извадите сами за да не се повредите.

Блефаритис

Блефаритис е всушност воспаление на очните капаци, обично на делот каде што се наоѓаат масните жлезди во близина на трепките.

Може да предизвика симптоми како чешање, зголемено мастење на капаците и растење на трепките во погрешна насока.

Оптоварување на очите

Ако поминете многу време пред екран, нормално дека ќе чувствувате последици.

Оптоварувањето на очите од долго гледање во екран станува мошне честа појава и обично е придружено со сувост и чешање.

Доколу морате да минувате многу време на компјутер, консултирајте се со лекар за заштитни очила.

Некои лекови

Сувите и иритирани очи можат да бидат предизвикани и од некои лекови.

Ако неодамна сте почнале терапија, прочитајте го упатството на лекот за да видите дали има влијание врз очите.

Лекови кои обично предизвикуваат сувост на очите се антихистамини, хормонални терапии, лекови за висок крвен притисок, контрацепциски апчиња…

Спирова С. | Црнобело