Зошто имате зуење во ушите и дали е знак за нешто сериозно?

Можат ли да настанат компликации ако не одите на лекар?

Влијанието на појавата на тинитус е различно кај секого.

Ако не се третира, кај некои луѓе може да се појават проблеми како:

• Замор
• Стрес
• Несоница
• Проблеми со концентрација и сеќавање
• Депресија
• Анксиозност и раздразливост
• Главоболки

Кој е изложен на поголем ризик?

Секој може да се соочи со тинитус, но следниве фактори го зголемуваат ризикот:

Изложеност на гласна врева – како што веќе спомнавме, гласните звуци можат да предизвикаат тинитус.

Возраст – тинитусот е почеста појава кај постарите кои се соочуваат со проблеми со слухот.

Пол – тинитусот е почеста појава кај мажите.

Пушење и пиење алкохол – истражувањата покажале дека пушачите и луѓето кои пијат многу алкохол почесто имаат тинитус.

Одредени здравствени проблеми чии симптоми некогаш или секојпат вклучуваат и тинитус.

Како се третира и може ли да се спречи?

Третманот на тинитус зависи од тоа од што е предизвикан.

На пример, ако е поради здравствен проблем, лекарот ќе се фокусира на тој проблем. Ако е поради оглувување, можно е да добиете помагало за слушање.

Ако е предизвикан од лекови, можно е да ви ја променат терапијата.

Во повеќето случаи не можете да ја спречите појавата на тинитус бидејќи нарушувањето е предизвикано од проблеми надвор од ваша контрола.

Сепак, можете да преземете некои мерки за да го намалите ризикот:

• Користете заштита за ушите ако работите на место со многу врева
• Не слушајте многу гласна музика преку слушалки
• Водете добра грижа за кардиоваскуларното здравје
• Ограничете го внесот на алкохол и никотин

Спирова С. | Црнобело