11 рани знаци за деменција (кои може да ви бидат сигнал за црвена тревога)

Тешкотии при извршувањето на секојдневните обврски

Кај луѓето со деменција, обврските што ги извршувале секој ден, со години, одеднаш можат да станат тешки, збунувачки и комплицирани.

Чудна перцепција за времето

Некогаш лицата со деменција имаат изместена перцепција за времето. Односно, им се чини дека деновите, месеците, годините траат исто долго.

Притоа, немаат перцепција за тоа кога се случиле одредени настани – дали пред еден месец или пред неколку години.

Тешкотии со пишување

Како што им е тешко да се сетат на одредени зборови при зборување, лицата со деменција можат да се соочат и со тешкотии при пишување.

Неретко им е тешко да се фокусираат и да завршат реченица, а самото пишување им создава фрустрација.

Повторување

Неретко лицата со деменција ги повторуваат работите.

Односно, можат да ве прашаат нешто, а неколку минути подоцна повторно да ги го постават истото прашање.

Или, може да завршат некоја обврска, како миење садови, а набрзо потоа повторно да отидат да мијат садови.

Проблеми со следење приказна

Веќе спомнавме дека со деменцијата страдаат фокусот и концентрацијата.

Поради ова, на луѓето со оваа болест може да им биде тешко да следат приказни – без разлика дали додека читаат книга, гледаат филм или слушаат некој што им раскажува нешто.

Што да правите ако ги забележите симптомите?

Уште еднаш да нагласиме дека ако забележите еден-два симптоми или забележувате дел од нив само одвреме-навреме, не мора да значи дека имате деменција.

Некои симптоми можат да бидат предизвикани и од други проблеми со здравјето, како депресија.

Ако симптомите се повторуваат и ви се чини дека се влошуваат, најдобро е да се консултирате со лекар.

Само тој ќе може да ви постави соодветна дијагноза и да ви ја препише соодветната терапија.

Уште не постои лек за деменција, но со рана дијагноза и добра терапија, напредувањето на болеста може значајно да се забави, а со тоа да се подобри квалитетот на животот.

Спирова С. | Црнобело