Најчестите заболувања и проблеми со здравјето (и како се третираат)

Грип

Покрај настинката, грипот е уште едно мошне често заболување.

Грипот е респираторна болест предизвикана од вирус и секоја година има сезонски епидемии на грип.

Најчестие симптоми вклучуваат:

• Кашлица
• Болки во мускулите
• Болно грло
• Затнат нос или течење на носот
• Главоболка
• Студ
• Замор
• Треска (но не кај сите)
• Дијареја и повраќање (само во некои случаи)

Антибиотиците нема да ви помогнат ако имате грип, а доколку сте во ризична група (имате хронична болест или други проблеми со здравјето) препорачливо е да одите на лекар веднаш штом забележите симптоми.

И, ако сте генерално здрава личност, препорачливо е да се консултирате со лекар кој ќе ви препише соодветна терапија.

Инфекција на синусите

Инфекциите на синусите настануваат кога во нив се акумулира течност која, пак, е совршена околина за таложење микроорганизми.

Најчесто оваа инфекција е предизвикана од вируси, но може да биде и од бактерии.

Само вашиот лекар може да ја утврди причината, што значи не треба сами да земате антибиотици.

Настинките, сезонските алергии и вродените проблеми со синусите го зголемуваат ризикот од инфекции.

Симптомите најчесто вклучуваат:

• Течење на носот или затнат нос
• Болка или чувство на притисок на лицето
• Главоболка
• Кашлица
• Лош здив

Во повеќето случаи, инфекцијата на синусите се повлекува сама од себе, но бидејќи симптомите можат да бидат непријатни, препорачливо е да се консултирате со лекар кој ќе ви даде соодветна терапија.

Можете да користите и топли облоги врз носот и челото за да го намалите притисокот, како и солен раствор за носот.

Инфекции на кожата

Постојат безброј причини за инфекција на кожата.

Ризикот за нивна појава е зголемен од повреди, постоечки проблеми со кожата како егзема, хронични отоци на екстремитетите, дебелина и дијабетес.

Симптомите се очигледни – црвенило, болка и оток на инфицираното место.

Кога станува збор за проблеми со кожата, секогаш е добро да се консултирате со лекар кој ќе ви даде соодветен лек, крем или нешто друго.

Уринарна инфекција

Овие инфекции се честа појава и настануваат кога бактериите од кожата или аналниот отвор навлегуваат во мочоводот.

Инфекцијата може да зафати разни делови, но најчесто се јавуваат проблеми со мочниот меур.

Можно е да се јави и инфекција на бубрезите која е поретка појава, но може да биде поопасна.

Инфекциите на уринарниот тракт се почести кај жените поради нивната анатомија, а ризикот се зголемува од:

• Претходна инфекција
• Секс
• Бременост
• Возраст
• Лоша хигиена

Најчестите симптоми вклучуваат:

• Болка или печење за време на уринирање
• Зачестена потреба за уринирање
• Крв во урината
• Притисок или болка во долниот дел од стомакот

Ако забележувате симптоми како треска, гадење и интензивна болка на долниот дел од грбот, можно е да имате инфекција на бубрезите и препорачливо е веднаш да одите на лекар.

Спирова С. | Црнобело