Навики кои ги оштетуваат забите

Пред да ставите било што во уста, сетете се какво влијание може да има истото врз вашите заби. Врз уништување на забната глеѓ влијаат...

...црното вино, кафето, чајот и цигарите. Истите предизвикуваат и болести на забното месо.

Но, постојат уште неколку навики кои ни ги оштетуваат забите:

1. Џвакање коцки мраз. Природен е и без шеќер, ама може да предизвика и пукање на забната глеѓ. Ова џвакање може и да го иритира мекото ткиво и да предизвика забоболка.

2. Пирсинг на јазикот. Ова е тренд, но може да го иритира забното месо до воспаление, и да доведе до губење на забите. Освен тоа, устата е одлично место за развој на бактерии, а пирсингот го зголемува ризикот од инфекции.

3. Гумени и други бонбони. Сите слатки полни со шеќер водат до развој на кариес. Затоа веднаш после јадење слатки, мијте ги забите.

4. Слатки пијалаци – газирани и негазирани. Лименка газиран пијалак содржи и до 11 лажички шеќер, а тука се и киселините кои штетат на забната глеѓ. Диеталните верзии можеби немаат толку шеќер, но затоа количината на киселини во облик на вештачки засладувачи е обично поголема. И овошните сокови се опасни, затоа што покрај витамини и антиоксиданси содржат и додатен шеќер. Купувајте природни или разредете ги со вода.

5. Чипс. Бактериите во устата го разградуваат и скробот од чипсот. Користете забен конец после јадење чипс.

6. Кога ги користите забите како отворач. Отвараме чоколатца, кршиме фстаци, дури и шишиња. Запомнете – забите не се алат.

7. Грицкање моливи и пенкала. Ако веќе имате потреба за џвакање, џвакајте мастика.