Лоши хигиенски навики кои се многу поштетни отколку што мислите

Делите четка за заби или брич со друга личност

Некогаш е добро да бидете себични, особено кога станува збор за производи за хигиена.

Ако делите четка со некој, имајте на ум дека си ги разменувате бактериите од устата и или вие или другата личност може да си предизвика инфекција и орални проблеми.

Истото е и со бричевите – ако ги делите, ризикувате да добиете инфекција на кожата.

Не ги менувате валканите крпи

Во ред е да користите иста крпа по две-три туширања, но потоа мора да ја смените бидејќи поради влагата, на неа ќе се развијат бактерии кои можат да ви предизвикаат проблеми.

Ако, пак, сте користеле крпа во теретана за да ја бришете потта, мора да ја исперете по една употреба.

Исто така, не треба да делите крпи со друга личност, без разлика дали тоа е партнер, дете или член на семејството. Како со бричевите и четките за заби, ризикувате да си пренесете некоја инфекција.

Не го миете шишето за вода

Можеби мислите дека штом го користите шишето само за вода, тогаш нема потреба да го миете често.

Но, поради влагата, на него лесно се акумулираат бактерии кои можат да ви создадат секакви дигестивни проблеми.

Мора темелно да го измиете шишето по секоја употреба, исто како и останатите садови.

Не ги миете овошјето и зеленчукот

Ако одгледувате ваши овошје и зеленчук кои знаете дека не се прскани, тогаш не мора многу да се оптоварувате со темелно миење.

Но, овошјето и зеленчукот што ги купувате од продавница или пазар, мора да ги измиете темелно, дури и ако ви тврдат дека не се прскани. Не можете да знаете во какви магацини и кутии биле складирани пред да ги купите, па најдобро е да не ризикувате.

Предолго ги оставате тампоните

Идеално е да ги менувате тампоните на секои четири часа, а никогаш не треба да ги оставате подолго од осум часа.

Во спротивно може да се соочите со синдром на токсичен шок – инфекција која може да биде животозагрозувачка.

Спирова С. | Црнобело