Лоши хигиенски навики кои се многу поштетни отколку што мислите

Често го прескокнувате миењето на забите навечер и не ги менувате тампоните со часови - со кои лоши навики си го ризикувате здравјето?

Повремено во ред е да направите некоја грешка во одржувањето на хигиената. Но, кога ова ќе се претвори во навика, ризикувате да си предизвикате разни проблеми со здравјето.

Лоши хигиенски навики кои се многу поштетни отколку што мислите:

Го прескокнувате миењето на забите

Ако не ги измиете забите пред спиење, бактериите, киселините и шеќерите од храната што сте ја јаделе во текот на денот ќе почнат да ги оштетуваат забите.

Доколку ви стане навика да го прескокнувате миењето, постепено ќе почнете да се соочувате со потечени и крвави непца, лош здив, но и кариес. Кариесот, пак, може да допре до нервот на забот и ако не се третира, може дури и да го изгубите забот.

Имајте на ум и дека низа истражувања потврдуваат дека проблемите со забите и непцата можат да доведат и до други заболувања, како проблеми со срцето.

Подеднакво важно е и навечер да ги чистите забите со конец.

Ретко се туширате

Од една страна, не е препорачливо секој ден да се туширате со многу топла вода и „посилни“ шампони и сапуни бидејќи ќе ја исушите кожата.Но, од друга, исто штетно (а може и поштетно) е нередовното туширање, и тоа не поради непријатниот мирис.

Бактериите брзо се размножуваат на телото, а кога не се туширате, им овозможувате и храна, па ќе се соочите со иритација, чешање и слично. Ако, пак, веќе имате проблеми со кожата, како егзема, нередовното туширање ќе ги влоши симптомите.

Си легнувате со шминка

Сигурно досега стопати сте слушнале дека не треба да си легнувате со шминка, но вреди да се повтори уште еднаш.

Ова е можеби најлошото нешто што можете да ѝ го направите на кожата на лицето. Спиењето со шминка ќе ги затне порите и ќе предизвика појава на мозолчиња, додека креонот и макарата можат да ги оштетат очите ако спиете со нив.

Ретко ја менувате постелнината

Постелнината е идеална за размножување бактерии кои, пак, можат да предизвикаат безброј проблеми со кожата, но и други проблеми со здравјето.

Мора да ја менувате постелнината барем еднаш на две недели, но и почесто ако се потите навечер.

Не ги вадите контактните леќи по неколку денови

Ако ги носите контактните леќи неколку денови без воопшто да ги извадите, ризикувате да добиете инфекција на очите, па дури и да си предизвикате сериозни проблеми со видот.

Во поекстремни случаи, можете да си направите и рана на окото, која ако не се третира, може да бара и трансплантација на рожница.

Продолжува на следната страница...