Копривата: идеален сојузник на пролетната детоксикација

Со доаѓањето на пролетта секој сака да изгледа витално, свежо и витко. Совршен сојузник за тоа ќе ви биде чајот од коприва. Имено листовите и...

...коренот од копривата се неизоставна состојка на чаевите и растителните капки за прочистување на крвта, поттикнување на подобра работа на црниот дроб, намалувањето на маснотиите во крвта и за подобрување на циркулацијата.

Со коприва, црниот дроб ќе го олесни варењето на мрсната храна и ќе помогне при топењето на жолчниот песок или камен.

Чајот од коприва дава голем придонес кон детоксикацијата на организмот, а од секогаш бил користен за лечење на воспаленија на мочните патишта и низа бубрежни заболувања.

Се верува дека поволно делува на метаболизмот и го зајакнува имунитетот. Големите количини на калиум во копривата ја прави природен диуретик, а железото во копривата помага при создавањето на црвените крвни зрна.

Чајот од коприва делува на прочистувањето на крвта, го поттикнува обновувањето на крвните клетки, и помага на проблематичната кожа, го поттикнува согорувањето на маснотиите и општо добро делува на организмот.

Копривата е лековита билка која треба што почесто да се употребува , тоа ни го овозможува чајот од коприва. Во листовите од копривата ги има некои од најважните витамини како што се К,Б2, Ц, органски киселини и минерали (железо, фосфор, манган, магнезиум, натриум, калиум, калциум). Копривата е особено значајна за регулирање на содржината на шеќер во крвта.

Овој чистач на организмот е првата препорака за детоксикациони третмани.