Наш психолог за проблемите со интимниот живот: „Не ти е до се*с, едноставно не ти е до ништо - прегорен си“

„Замисли, цел ден решаваш проблеми и после очекуваш да се „опуштиш“ и да ти се појави желба за с*кс? Не функционира тоа така. Не ја губиш сексуалната желба затоа што „врската не ти е добра“. Ја губиш поради тоа што си во режим на преживување. И тука нема простор за желба. Има само хронична напнатост и тензија...“, гласи дел од објавата на психологот Дора Попова Узуновски.

Дора Попова Узуновски е психолог, гешталт терапевт и магистер на психолошки науки од областа на клиничката и советодавната психологија.

Таа отворено говори на многу теми, а сега се фокусираше на тема проблеми со сексуалниот живот во брак со кои многумина се соочуваат.

Дора се обраќа директно до сите кои имаат проблем со интимниот живот:

„Во право си. Навистина си во право. За уживање е потребен простор, чувство на слобода и леснотија. Поволни услови.

А во моментов можеби се наоѓаш во хаос. Трчаш насекаде, се грижиш, се прашуваш од каде попрво да почнеш да се справуваш со работите... И каде тука има место за секс и уживање?

Сосема е разбирливо да имаш потреба прво сè да се смири околу тебе, па „спонтано“ тоа да се случи, како што вообичаено веруваш дека ќе се случи.

Но, всушност не се случува. После целиот исцрпен период, често после чувствуваш празнина и потреба од ментална рехабилитација.

Работите се едноставни понекогаш. Но, ако имаш тенденција да заглавуваш во нив, тогаш остануваш заглавен/а.

Моментот „Не се чувствувам опуштено“ е симптом кој ти излегува на површината, а може да значи различни причини под површината.

Твое е тие причини да ги освестиш, разбереш, да се ослободиш од нив и да направиш промена. Прашањето е дали сакаш да се одглавиш?

Не ти е до секс. Едноставно не ти е до ништо.

Проблеми и проблеми.

Замисли, цел ден решаваш проблеми, мислиш, се грижиш, држиш контрола… и после очекуваш навечер да се „опуштиш“ и да ти се појави желба?

Не функционира тоа така.

Продолжува на следната страница...