5 добри причини зошто би требало и денес да пиете јогурт

За појадок, меѓу оброк или десерт, збогатен со свежо овошје и житарици или пак засладен со сируп или мед, јогуртот е немирница вредна за восхит.

Освен што е лесен и здрав овој млечен производ сокрива неверојатни благодети. Дознајте кои!
 
1. Јогурт за тенка става
Јогуртот содржи многу малку калории. Со внесување на јогурт во организмот (како меѓу оброк) внесуваме калциум кој го сигнализира излачувањето на хормонот кортизол, што го олеснува слабеењето додека аминокиселините помагаат во согорувањето на масните наслаги. Започнете го денот со јогурт кој совршено ќе се спои со свежо или сушено овошје и житарици.

2. Јогурт за бели заби
И покрај шеќерот, јогуртот не предизвикува кариес – најчестата причина за расипување на забите. Исто така млечната киселина ги штити непцата и забите, а делува и позитивно на слузницата, а калциумот помага забите да останат бели. Еден јогурт дневно за бели заби.

3. Јогурт за здравје
Корисните бактерии од јогуртот кои се создаваат со ферментација, го штитат организмот од воспаленија и штетни микроорганизми. Денес, многу видови јогурт содржат посебни видови пробиотици кои помагаат при регулацијата на варењето и го зајакнуваат имунитетот. Пробиотиците имаат дејство како природни антибиотици, па поради тие причини се многу важни, бидејќи го спречуваат растот и развојот на различните бактерии.

4. Јогуртот е полн со витамини и минерали
Јогуртот и млечните производи се одличен извор на протеини, минерали и витамини. На прехранбената пирамида се на исто ниво со месото, рибата и јајцата. Само една порција јогурт е значаен извор на калциум, магнезиум, калиум, фосфор, рибофлавини, јод, цинк, но и витамини Б5 и Б12. Јогуртот е важен и за контракција на мускулите, за згушување на крвта како и за нормалната работа на нервниот систем во целина.

5. Јогуртот за регулација на притисокот
Истражувањата покажеле дека дури 70 проценти од луѓето секојдневно консумираат двојно повеќе соли од препорачаната дневна доза. Со време тоа доведува до висок крвен притисок, болести на бубрезите и срцето. Калциумот и калиумот во јогуртот помагаат при исфрлање на вишокот соли од организмот и го снижуваат крвниот притисок.