Јога диета – за слабеење и обликување на телото

Јога диетата преставува збир на правила кои, иако крајно едноставни, даваат одлични резултати, видливи и на вагата но и на телесните облини. Не мора да се занимавате со јога за да ги примените правилата.

Ваквата исхрана всушност ве поттикнува да користите производи кои се корисни за вашето тело, а кои релативно лесно можете да ги најдете и извор им е - природата.

Значи, не мора да користите разни видови вештачки витамини и хранливи таблети, бидејќи сите неопходни супстанци секојдневно ги добивате со внесување на квалитетни и добро балансирани намирници.

Со јога диетата можете да водите исполнет и здрав живот, истовремено штитејќи го своето тело од разни заболувања и болести. Оваа диета ја поддржува природната рамнотежа на силите во телото, ги збогатува органите и ткивата со корисни нутритивни и ја подига менталната енергија. Правилата на јогата се многу едноставни и разбирливи.

Основни правила

• Никогаш не јадете стоејќи. Седнете и уживајте во јадењето.
• Јадете три оброци дневно
• Никогаш не ја подгревајте храната повторно
• Пијте 6-8 чаши вода дневно. Немојте да ја замените водата со чаеви, сокови и други пијалаци.
• Избегнувајте пржена храна, оваа храна е многу тешка за варење и го иритира желудникот.
• Направете храната да биде привлечна, на пример украсете ја со свежи растенија.

Важен е изборот

Можете да јадете различна храна. На пример, денес јадете чорба од риба и риба. Утре јадете пилешка супа и пилешко месо. Можете да направите многу едноставна салата од зелка, цвекло, морков и кромид. Варијациите се бројни а единствено ограничување ви е фантазијата.

Распоредот на оброците со два појадока дава можност оброците да ги распоредите така да не гладувате и лесно да се прилагодувате на секој дневен ритам. Оброците се балансирана исхрана и телото не страда од недостаток на витамини и минерали. Ефектот на јога диетата може да се подобри со секојдневна физичка активност.

Иако носи име во кое се спомнува јогата – не  е неопходно да се занимавате со јога – доволна е четириесет минутна активна прошетка, возење велосипед или пливање. Важно е секојдневно да сте во планирано движење.

Мени

• Прв појадок: 150-200 грама било кое овошје.
• Втор појадок: Чинија супа од зеленчук без маснотии (250ml), 100-150 грама посно варено месо (телешко, јунешко, риба или пилешко без кожа), салата од свеж зеленчук без додатоци (можете да ја зачините со сок од лимон).
• Ручек: Чинија супа од зеленчук без маснотии (250ml), 100-150 грама сирење или варено јајце, салата од свеж зеленчук без додатоци (освен сок од лимон), чаша јогурт без маснотии, или млеко.
• Вечера: 150-200 грама било кое овошје.