10 заблуди за чоколадото

Латинското име за дрвото какао гласи Теоброма какао, што во превод значи „храна на боговите“.

Ретко кој може да одолее на ова слатко задоволоство, а голем број луѓе веруваат во заблудите кои владеат за чоколадото.

1. Ако до сега сте се одрекувале од чоколадо со намера да го намалите својот лош холестерол, бадијала сте се жртвувале. Вистина е дека чоколадото содржи какао путер кој е полн со заситени масти, од кои повеќето доаѓаат од стеаринската киселина, заради што чоколадото не го подигнува нивото на холестерол, а кај некои луѓе дури и го намалува.

2. Вистина е дека чоколадото содржи одреден процент на кофеин – колку е потемна, толку е поголемо учеството. Сепак, зависниците од кофеин сигурно нема да го заменат кафето за чоколадо.

3. Многу родители се плашат дека децата може да станат премногу енергични од чоколадото, но истражувањата покажуваат дека нема врска помеѓу шеќерот во исхраната и хиперактивноста кај децата.

4. Чоколадото има низок гликемиски индекс што значи дека дијабетичарите не мораат да го избегнуваат во исхраната. Секако, се препорачува да се консултираат претходно со лекар.

5. Чоколадото има послабо влијание на забите од шеќерот. Нема никаква врска меѓу создавање на кариес и чоколадо.

6. Научниците утврдија дека консумацијата на помали количини чоколадо секој ден, не дебелее. Секако, на килограмите влијаат додатоците како сладолед, фрапе и топло чоколадо со шлаг, но и неумереноста во консумирањето.

7. Иако постои верување дека нема никаква нутритивна вредност, чоколадото има статус на „супер храна“. Темно чоколадо има еднаква количина антиоксиданси како ¾ шоља зелен чај, една чаша црвено вино, или 2/3 шоља боровница. Содржи и високо ниво на минерали и влакна.

8. Ацтеките верувале во цврстата поврзаност на чоколадото и романтичното чувство, но оваа врска ја порекна современата наука. Истражувањата не пронајдоа никакви афродизијачки својства кај чоколадото. Но, постои оној пласибо ефект – луѓето веруваат дека чоколадото е афродизијак, па така и им делува.

9. Многу тинејџери, но и повозрасните, акните на своето лице ги препишуваат на чоколадото, но станува збор за уште една заблуда.

10. Лекарите препорачуваат да се консумира чоколадо со најмалку 70 проценти какао. Колку е поголем уделот на какаото – толку повеќе антиоксиданси. Помага во регулирање на крвниот притисок.