Како би требало да изгледа совршеното утро?

Списанието "Zest" замолило неколку научници да ја смислат утринската рутина, со која денот би почнал весело и без стрес.

Будилникот агресивно ѕвони во седум наутро, го удирате со дланка за да го сопрете неподносливиот звук и заклучувате дека треба да останете во кревет уште барем пет минути.

По десет минути неволно станувате, одите во бањата, се миете, миете заби и брзо се туширате.

Додека се облекувате, во исто време правите кафе и размислувате за престојниот ден, по неколку голтки од жешкото кафе, излетувате од станот за да не задоцните на работа.

Така некако изгледа почетокот на денот за повеќето, но стручњаците тврдат дека таквиот неорганзиран пристап кон утринската рутина е неправилен и често предизвикува нерасположение во текот на целиот ден, а со тоа и зголемен стрес во секојдневниот живот.

Еве кои се предлозите за весел ден, без стрес:

1. Природно будење во 06.27

2. Пиење на кафе кое ни го подготвува некој друг

3. Жежок туш во траење од 9 минути

4. Лесен појадок кој се состои од порција житарици

5. Прошетка до работа во траење од 23 минути.

Како ви звучи идејава? Нам ни се допаѓа!