Совршен рецепт: вежбајте 30 секунди и ќе имате идеална линија

Додека траговите од празниците веќе се чувствуваат на струкот и колковите, многумина веќе размислуваат за строги диети, научниците нудат револуционерно решение.. Тие тврдат дека за вита линија доволно е да вежбате 30 секунди дневно, односно три минути неделно.

Напорното вежбање кое кратко трае има исто дејство како и подолгиот тренинг. Имено, научниците од Универзитетот Нотингем, Бирмингем и Бат, тврдат дека е доволно да се направат три многу интензивни вежби во траење од 30 секунди, па препорачуваат собен велосипед, трчање во место или брзо трчање по скали (надолу или нагоре).

По половина минута силен напор, се препорачува одмор во траење од 60 секунди, а потоа истата вежба треба да се повтори уште два пати.

Научниците признаваат дека сеуште потполно не ја разбираат причината која би објаснила зошто краткото интензивно вежбање дава исти резултати како и класичното, но забележале дека овој режим на вежбање дури и го намалува апетитот.