10 употреби на маслиновото масло

Легендите за лековитото дејство на маслиновото масло потекнува од далечното минато. Незаситените масни киселини, витаминот Е, стеролите и полифенолите се само некои од состојките кои оваа намирница ја прават вредна и неверојатно здрава.

Но, маслиновото масло има широка употреба, а ние ви донесуваме 10 неверојатни начини кои мора да ги пробате.

- За симнување на шминката: Нанесете малку масло на памук и нежно истријте ги очите.

- За заглавен затворач: Нанесете малку масло на патентниот затворач, лесно повлечете горе – долу. Маслиновото масло ќе го подмачка.

- За мека кожа: На мокра кожа, по туширање нанесете го маслото и размачкајте го по целото тело.

- За нега на усните: Секоја вечер пред спиење усните намачкајте ги со маслиново масло и ќе станат меки.

- За полирање на дрвениот мебел: На памучна крпа нанесете малку масло и со неа темелно премачкајте ја дрвената површина.

- Против вошки: Темето добро натопете го со маслиново масло, замотајте ја косата во кеса или капа за туширање и оставете така да постои некое време. Пред да ја измиете косата исчешлајте ја со густ чешел.

- Масло за капење: Наполнете ја кадата и во водата додајте маслиново масло и миризливи соли. Вашата купка е подготвена.

- За мазно бричење: Мократа кожа намачкајте ја со маслиново масло и преку него поминете со жилетот. Тоа ќе ја замени пената или гелот за бричење, а ќе го спречи иритирањето и црвенилото.

- За полирање на кожни чевли: Баш како и кај полирањето на мебелот и за вашите кожни чевли решението е крпче натопено со маслиново масло.

- За вадење на налепници: Налепниците на стакло или пластика, натопете ги со маслото и кратко оставете ги да постојат така натопени. Потоа со сунѓерче изгребете ги со лесно триење.

Ви препорачуваме да ги испробате овие интересни употреби на маслиновото масло.

Имате ли и вие некоја идеја за употреба на маслиновото масло? Споделете ја со нас!