Пет напитоци кои ќе ве вратат во форма

Ако сакате да се вратите во форма на здрав и лесен начин, еве неколку едноставни пијалаци кои ќе ви помогнат да се чувствувате поодморени и подобро да вежбате.

Сок од цвекло
Иако неговиот вкус многумина ги одбива, сокот од цвекло има магични својства за зајакнување на крвната слика. Изобилува со нитрати кои го олеснуваат протокот на крвта до мускулите давајќи ви сила да издржите во вежбањето. Немојте да заборавите дека подобрениот проток на крвта е најдобар начин да се решите од целулит. За да го подобрите вкусот на сокот, можете да додадете малку шеќер или мед.

Кафе
Кофеинот го забавува процесот на трошење на гликоген, драгоцена резервна енергија во организмот и ви дава гориво при вежбањето да издржите подолго од вообичаено.

Кокосово млеко
Овој необичен напиток е богат со калиум и затоа ги намалува грчевите во мускулите – и сето тоа со минимален внес на калории. Кокосовото млеко посебно им се препорачува на оние кои интензивно се занимаваат со јога или пилатес.

Чоколадно млеко
Иако често пати го избегнуваме поради стравот од калории, кога станува збор за вежбањето, калориите не се така лоша работа ако доаѓаат од вистински намирници. На наша голема радост, чоколадното млеко е една од нив. Смесата од јаглени хидрати и протеини од чоколадното млеко помага при заздравување на микро повредите на мускулите кои настануваат при интензивно вежбање и доведуваат до воспалување на мускулите. Во рок од 45 минути по вежбањето испијте го овој напиток за да му дозволите на телото во клучен момент да дојде до вистински хранливи состојки.

Пиво
Иако има многубројни дејства на здравјето и убавината, интензивното вежбање повремено го заслабнува имунитетот. Кога по вежбањето ќе се почувствувате малку „скршено“, од време на време наградете се со безалкохолно пиво – неговото антиинфламаторно дејство ќе ви помогне да се чувствувате подобро.