Најмногу јадеме во недела во 19 часот

Недела е најпопуларниот ден за прејадување, покажала студијата на британската фирма Фонза. Дури 48 проценти од испитаниците признаваат дека за викенд јадат повеќе отколку во работните денови, а во недела во 19 часот е најкритичното време за држење диета бидејќи тогаш повеќето им подлегнуваат на грицките и колачите.

Колкаво е влијанието на психолошката состојба врз прејадувањето го докажува податокот дека дури 65% од испитаниците посегнуваат по омилениот бисквит ако претходно имале стрес на работа. Некои нема дури ни да почекаат да дојдат дома, па така 46% испитаници ќе се прејадат уште на работното место.

Емоционалното прејадување е најчесто во вечерните часови, па така повеќето луѓе признаваат дека баш тогаш внесуваат најголем број непотребни калории.

Таканаречениот дебел час е ноќна мора на сите луѓе кои се на диета, тоа е времето во кое се чувствуваат најранливо и речиси не можат да му одолеат на јадењето.

Корисно е да се знае во кое време искушението е најголемо за да го избегнеме со прошетка или други активности кои релаксираат.