Филџан кафе: евтин удар за маснотиите и целулитот

Во мноштвото достапни креми по кои се посегнува во борбата против целулитот забораваме на природните лекови кои ни се пред носот. Напитокот кој преставува омилен утрински ритуал делува и во борбата против целулитот.

Еден филџан кафе, благодарение на кофеинот кој има стимулативно и диуретично дејство, го подобрува протокот на крвта на површината на кожата.

Ова е антицелулитниот третман направен од кафе:

Состојки:

• Филџан мелено кафе
• Половина филџан кафен шеќер
• Маслиново масло

Подготовка:

1. На критичните зони нанесете маслиново масло и втријте го кратко во кожата.
2. Меленото кафе и кафениот шеќер измешајте ги во широк сад.
3. Сувата смеса нанесете ја на бедрата или задникот и со кружни движења масирајте околу 5 до 7 минути.
4. Откако сте ги измасирале саканите подрачја, антицелулитниот третман е готов.

Совети: Третманот е најдобро да се направи после туширање кога кожата е мека. Се препорачува да се практикува барем четири пати неделно, а при тоа да се вежба и да се зема здрава храна. Резултатите ќе бидат неизоставни.