Како порачува телото дека му недостасуваат витамини?

Малаксаноста и брзото заморување се првите знаци со кои телото ни порачува дека му недостасуваат витамини. Нивниот недостаток, медицински наречен хиповитаминоза, најчесто се јавува на пролет, а најдобро се лечи со свежо овошје и зеленчук.

Кога доминантен симптом ви е малаксаноста, недостатокот од витамини може бргу да се излекува со препарати кои што содржат минерали, витамини и железо, но препорачливо е тоа да се надмине со зајакната исхрана со обилни порции на овошје и зеленчук, пет пати на ден.

Кога ќе се јават други симптоми како сува коса, сува кожа, кршливи нокти, тогаш најверојатно се работи за недостаток на Витамин Д₃. Неговиот недостаток предизвикува воспалителни ревматски заболувања како што е се ревматскиот артрит, а кај жените и остеопороза.

При недостаток на Витамин Ц и А, инфекциите се почести од вообичаено, а при недостаток на Витамин Б, особено Б₁₂, може да се почувствува трнење во рацете и нозете.

Дефицитот на Витамин Е не покажува толку видливи надворешни знаци, но симптомите се видливи на крвната слика преку намелен број на црвени крвни зрна.

При недостаток на витамини слузниците се помалку отпорни на вирусни и бактериски инфекции, па хиповитаминозата ќе ја откриеме и по тоа што почесто се разболуваме.

Свежото овошје и зеленчук лечи побргу од таблетите. Со таблетите не треба да се претерува бидејќи единствено вишокот од Витамин Ц се исфрла од организмот.

За да се излечи недостатокот од Витамин Ц доволно е дневно да се испие една чаша цеден портокал и да се изеде една порција кељ.

Недостатокот од Витамин Б може да се избегне со конзумирање на пилешко месо, туна, интегрални производи, ореви, компир, грав, млечни производи, печурки и соја.