Вежби за цврст и затегнат стомак

Пилатесот е одличен начин за да го постигнете ефектот на затегнат рамен стомак кој секогаш сте го посакувале. Се што ви е потребно е опрема за вежбање и се разбира пилатес топка. Тие доаѓаат во различни големини, а за да знаете дали ви е соодветна таа големина треба кога ќе седнете на топката бутовите да ви бидат паралелни со земјата.

1. Странични мускули и внатрешната страна на бутовите

Легнете на страна, фатете ја топката со нозете и потпрете се на подлактницата. Стиснете ја топката и подигнете ги нозете колку што можете повеќе. Задржете 2-3 секунди и потоа спуштете ги нозете. Повторете 12 пати и променете ја страната.

2. Предни стомачни мускули

Легнете на грб и ставете ги петите на топката. Рацете исправете ги над главата. Потоа полека кренете се и рацете испружете ги нанапред допирајќи ги прстите од стапалата. Спуштете се бавно. Повторете ја вежбата 12 пати.

3. Предни стомачни мускули и долниот дел од грбот

Седнете на топката, лизнете се наназад и потпрете се со рацете на земјата. Дланките се на тлото, а нозете испружени паралелно со земјата. Подигнете го десното колено и повлечете го накај градниот кош и вратете ја ногата во првобитната положба. Повторете го ова и со левата нога и направете 12 повторувања со секоја нога.

4. Предни стомачни мускули

Заземете позиција на рамна даска и потпрете се со подлактиците на топката. Повлечете го десното колено и допрете ја топката, а потоа брзо спуштете ја ногата и повторете го истото движење со левото колено. Тоа се важи како едно повторување и треба да ги направите 12.

5. Странични стомачни мускули и внатрешната страна на бутови

Легнете на грб, рацете нека ви бидат прекрстени зад глава и топката треба да ви е измеѓу нозете и стапалата. Стиснете ја топката со нозете и подигнете ја во воздух. Подигнете го левото рамо и со левиот лакт допрете го десното колено (како на сликата). Вратете се во почетната состојба и повторувајте ги движењата со двете нозе наизменично 12 пати.

6. Странични стомачни мускули

Потпрете го грбот на топката, нозете се превиткани под агол од 90 степени, стапалата се потпрени на подот, а рацете поставени над главата во положба како да се држите за јаже. Стегнете ги стомачните мускули и почнете да се кревате нагоре додека да дојдете до седечка положба, истовремено повлекувајќи го „јажето“ прво со десна па со лева рака (како на сликата). Откако ќе ја постигнете седечката положба, полека почнете да се спуштате во почетната положба. Направете го ова 12 пати.