Зошто кожата потемнува на сонце?

Местата на море се омилена дестинација за летните годишни одмори. Плажите се преполни со луѓе кои и покрај сите опасности и предупредувања за негативните страни на сонцето се обидуваат да добијат потемна боја на кожата.

Лежењето со часови во критичниот период кога сонцето е најопасно е стандардна слика на поголемиот дел од плажите.

Зошто кожата темнее?

Таа темнее при излегување на сонце. Кожните клетки - меланоцити под дејство на ултравиолетовите зраци создаваат меланин. Се работи за пигмент кој штити од лошото влијание на сончевите зраци со што кожата добива потемна нијанса што се забележува по неколку часа.

Зошто кожата гори?

Кожата е најголемиот човечки орган, и морате да ја негувате. Тежи 2 до 4 kg и се обновува на секои 7 до 10 седмици, а дневно се луштат околу 5 милиони клетки.

Ако се изгорите со некој врел предмет, таа изгореница е иста како и онаа што ја добивате од сончање. Тоа не настанува поради топлината на сонцето, туку поради штетното влијание на ултравиолетови Б зраци кои го оштетуваат ДНК-то. Како резултат на ова се јавуваат црвенилото, топлината, болките - бидејќи се оштетени имунолошките клетки и самото ткиво.