Како да се изборите со ненаспаноста?

Постојат некои трикови кои ќе ви помогнат да го победите уморот од краткиот сон. Сигурно знаете колку е непријатно чувството кога цел ден ви недостасува енергија, па затоа во прилог се неколку идеи како тоа да стане минато.

Ако во текот на една ноќ го скратите сонот за 90 минути, ќе ја намалите будноста за 32% заедно со помнењето, способноста за размислување на работа и зад воланот.

Ќе почувствувате бранови на екстремен умор, промена на расположение, пад на концентрацијата дури и глад бидејќи телото се обидува на сите можни начини да зграби енергија.

Ако патите од несоница проблемот нема да го решите со рано одење во кревет, туку треба да легнете кога сте уморни. Ако ни тогаш не можете да заспиете, станете и читајте. Во борбата против несоницата помага дневно вежбање од 20 минути и туширање со топла купка.

Во текот на денот дремнете, но памалку од 20 минути и во периодот измеѓу 13 и 17 часот, кога внатрешниот часовник поттикнува на спиење. Ако спиете повеќе од 20 минути ќе настапи длабоката фаза од сонот, па по будењето ќе се чувствувате малаксано и дезориентирано.

Поради гените има и такви луѓе кои можат да функционираат одлично со помалку од 25% сон од просечните 7-8 часа. Ако спаѓате во оние со „краток сон“ вие се будите без будилник, секој ден во исто време, па дури и за викенд.