3 најбрзи летни диети

Одберете една од овие мини диети, придржувајте се кон препорачаната исхрана само еден ден и ќе видите како лесно се топат килограмите.

Диета со овошје и зеленчук

Како делува: Во овошјето и зеленчукот има многу здрави сосотојки кои не содржат маснотии, како и материи кои бргу ќе ве заситат и ќе го подобрат варењето.

План на исхрана

Појадок: Еден јогурт помешајте со 300g сезонско овошје (јаболка, кајсии, праски, малини).

Ручек: 300ml  бистра супа и 300g изгмечен варен морков.

Вечера: Мешана салата од овошје и зеленчук.

Совет: Бананите и грозјето имаат многу шеќер, па затоа во текот на оваа диета обидете се да ги избегнувате. Држете се подалеку и од маслинките затоа што содржат маснотии.

Диета со ориз

Како делува: Малите зрна ориз се многу вкусни, а содржат и многу витамини. Покрај тоа, благодарение на калиумот оризот го исфрла вишокот на вода од организмот.

План на исхрана

Појадок: Салата од сезонски зеленчук.

Ручек и вечера: Обарете 200g ориз и поделете го на две порции кои ќе ги јадете во текот на денот. Едната порција изедете ја со пире од јаболка, а втората со 300g динстан зеленчук помешан со лажиче масло.

Совет: Оризот се вари 40 минути без сол, бидејќи солта ја задржува водата во телото. Наместо сол, зачинете го со цимет, или некој друг растителен зачин.

Диета со компир

Како делува: Компирот е иделана намирница за диета бидејќи не содржи маснотии, има многу калиум и со своите 70 калории на 100 грама создава чувство на ситост, а не дебелее.

План на исхрана

Појадок: Едно парче интегрален леб со филе лосос, или со 50g младо сирење.

Ручек: Два варени или печени компири зачинете ги по желба и изедете ги со 150g посна павлака.

Вечера: 200g компири подгответе ги со 350g динстан зеленчук (пиперка, брокула, карфиол, домат).

Совет: Компирот барете го во лушпа бидејќи под неа е сокриен Витаминот Ц кој допринесува кон слабеењето.