Вежбајте додека ја гледате омилената серија

Седењето пред телевизор е штетно за срцето и крвните жили, тоа одамна го знаеме. Но, во борбата со здравјето и задоволството може да ви помогнат неколку едноставни вежби кои ќе ви го сочуваат телото во добра форма, а воедно нема да пропуштите ниту еден дел од омилениот филм или серија.

Зацврстете ги рацете и задникот брзо и едноставно

Седнете на работ на троседот и ставете ги рацете неколку сантиметри под колковите. Лесно спуштете го задникот кон подот додека се придржувате со рацете на троседот, па потоа  кренете се. Повторете ја вежбата 4 пати, а доколку сакате да го зацврснете задникот, а не рацете, исклучете го делот каде што се придржувате.

Вежбајте, а не ги мрдајте очите од екранот

Потпрете се на ѕидот кој е спротивно поставен од вашиот телевизор, а притоа потпрете се. Започнете да се спуштате до подот, додека стоите потпрени и постојте во таа положба 10тина секунди. Одморете некој минута, па потоа повторете ја вежбата. Супер вежба за зацврстување на задникот и мускулите на нозете.

Зацврстете ги мускулите на стомакот

Пред да седнете на троседот земете едно шише вода и искористете го за вежбање. Седнете така што рамениците ќе ви стојат исправено, земете го шишето со вода и фатете го со две раце. Рацете испружете ги пред вас, а потоа ротирајте го телото лево-десно. Вежбата повторувајте ја по 20 пати на секој половина час.