Ослабете со помош на течности

Без течности ништо не функционира. Седумдесет проценти од човечкиот организам го сочинува водата, која игра значајна улога во метаболизмот, поттикнувајќи го транспортот на кислород и хранливи материи преку крвта.

Само незначителен недостаток на вода во организмот може да предизвика чувство на исцрпеност, а покрај тоа и почесто се чувствува глад.

Луѓето кои земаат доволно течности без проблем ја одржуваат линијата. Ако сакате да ослабите, водата ќе ви помогне во тоа. Водата е неопходна за од организмот да го исфрлите вишокот на маснотии.

Водата е вистински благодет за нашиот организам.

1. Вода
Водата не содржи калории, а богата е и со минерали. Бидејќи му потпомага метаболизмот на маснотии, луѓето со вишок на килограми би требало да пијат сразмерно повеќе вода.

2. Сок
Благите овошни сокови и лимонадата содржат околу 10 проценти шеќер, што значи 100 грама, односно 400-500 калории по литар сок. Сокот е вистински мал оброк.

3. Чај
Растителните и овошните чаеви ја гасат жедта, речиси не содржат калории (една шолја има една калорија) и главно имаат благотворно дејство.

4. Кафе
Кофеинот го поттикнува метаболизмот, но наместо да го снабдува организмот со течност, тој допринесува за нејзино елиминирање. Со кафето секогаш испијте и една чаша вода.

5. Млеко
Млекото со ниска содржина на маснотии (1,5%) има речиси половина помалку калории од полномасното млеко (3,6%) и исто толку минерални материи.