Како да се заштитите од есенските болести?

Со опаѓањето на температурите, ветерот и дождовите, освен есенската меланхонија се јавуваат и голем број на настинки и грипови.

Се прашувате дали има начин оваа есен да се заштитите од нив? Еве неколку трикови и совети...

Спречете го грипот

Есента е идеално време за годишните вакцини кои најдобро ќе ве заштитат од сезонскиот грип.

Внимавајте, кога веќе сте се настинале прекријте ги носот и устата со мало марамче, за да го спречите заразувањето.

Ако имате и најблаги симптоми на грип, најдобро е да останете дома додека не се излечите.

Внимателно со антибиотиците

Антибиотиците ги лечат бактериските инфекции, не оние кои ги предизвикуваат вирусите. Обичната настинка или грип се вирусни инфекции и потполно погрешно е да ги лечите со антибиотици.

Непотребното користење антибиотици предизвикува создавање на бактерии од кои е многу потешко подоцна да се излечите.

Подгответе се за студено време

Изложувањето на ниски температури може да предизвика сериозни здраствени проблеми. Децата и старите лица се посебно чувствителни, па затоа не штедете на топли јакни и обувки!

Јадете лук

Додадете го во сосови и консумирајте го во било каква форма. Истражувањата покажуваат дека ензимите од белиот лук помагаат во испуштањето на серотонин.

Добро мијте ги и сушете ги рацете

Чистите раце се еден од најважните чекори ако сакате да ги избегнете можните болести и ширење на бактерии. Најдобро е да ги миете околу 20тина секунди со сапун и вода.

Ако тоа е невозможно, користете влажни марамици со високо ниво на алкохол.

Освен честото миење на рацете, важно е добро да ги исушите затоа што бактериите побргу се шират на влажни површини.