Чудо во чаша - Сок кој ги победува пролетните алергии

Пролетните алергии отсекогаш биле честа и непријатна појава, која ретко може да се излечи по природен пат.

Но, за оние со ослабен имунолошки систем и оштетена слузница, предлагаме сок кој ги победува сите пролетни алергии.

Сè што ви е потребно, се следните 5 состојки:

• 1 морков со средна големина
• 2 големи портокали
• ½ краставица
• 5-10 листови нане
• 20g свеж ѓумбир

Портокалите се одличен извор на витамин Ц кој го штити вашиот имунолошки систем, додека нането е одлична природна инхалација за дишните патишта кои најчесто страдаат при пролетните алергии.

Ѓумбирот пак, ги намалува главоболките кои може да се последица од честото кивање, а покрај тоа е делотворен антиоксиданс.

Подготовка:

Овошјето добро измијте го и излупете го. Сите плодови исечкајте ги на мали делчиња и ставете ги во блендер. Листовите нане додајте ги при крајот.

Пијалокот чувајте го во фрижидер и консумирајте го на гладно, пред појадокот.

Доволна е доза од една кафена шолја во еден ден.