Застрашувачки: Што им прави пушењето на вашите бели дробови? (видео)

На сите ни е добро познато дека пушењето е штетно за здравјето и дека значајно го зголемува ризикот од фатални заболувања. На ова видео сликовито се прикажува колкава штета пушењето им нанесува на белите дробови.

Влијае како на нивниот капацитет, така и на нивната состојба и изглед.

Димот од цигари содржи повеќе од 4.000 хемикалии, вклучувајќи и до 70 канцерогени и стотина отровни.

Пушењето е еден од најчестите причинители на хроничните опструктивни болести на респираторниот систем. Предизвикува оштетување на дишните патишта што доведува до развој на оваа состојба.

Пушењето може да ги влоши и симптомите кај луѓето кои боледуваат од астма и други белодробни заболувања.

Сепак, оние кои ќе го остават до 40-тата година може да си го продолжат животот за 10 години, открива едно истражување.

Ова видео служи за да покаже како изгледаат белите дробови на пушачите и на непушачите. Здравите се со розеникава боја, додека оние кај пушачите се со темна, речиси црна боја.

Покрај тоа, капацитетот за кислород кај здравите бели дробови е многу поголем од оној кај оштетените.

Видеото добро ја прикажува разликата која ќе ве запрепасти: