Кога вагиналниот секрет е сигнал за на гинеколог?

Појачаниот секрет е појава со која секоја жена се соочува во текот на животот. Токму затоа многу важно е да го разликувате нормалниот од секретот кој треба да се излечи.

Нормалниот исцедок го има секоја здрава жена и тој има улога да го штити гениталниот тракт од инфекции. Тој содржи лактобацили кои ја одржуваат оптималната киселост на вагината.

Важно е да знаете дека по менструацијата секретот е минимален и бистар, а пред и за време на овулација бистар и малку појачан, додека по овулацијата е малку заматен.

Кога исцедокот е обилен, заматен и има непријатен мирис, а е пропратен и со чешање или било каква промена на половиот орган, укажува на инфекција заради што посетата на гинеколог е задолжителна. Најчести причини за оваа појава се бактериите и габичните инфекции.

Анализата на секретот во гинекологијата се дели во 6 групи.

Првата група ја имаат само бебињата, а втората се јавува кај мали девојчиња.

Третата група на секрет е најчеста кај сексуално активните жени, а кога на некој ќе му се дијагностицира четврта група се работи за бактерија која предизвикува гонореја.

Петтата група укажува на паразитот Trichomonas vaginalis, а шестата на Candida.

Нешто што никако не смеете да игнорирате е појавата на крв во секретот пред, или по завршувањето на менструацијата.