Кампања за заштита на видот

Ослепувањето на милиони жени низ светот би можело да се избегне е фактот кој ги водел уметниците при создавање на овие фотографии со цел заштита на видот.

 

Кампањата на модниот фотограф Џон Ранкин Ведел, кој ја покрена соработката со магазинот Dazed & Confused ќе го одбележи Светскиот ден на видот во четврток 8-ми октомври.

фотографот кој е познат по  портретите на популарните личности, како што се Кајли Миног и Кејт Бланшет, сака да привлече внимание на јавноста за податокот дека жените сочинуваат 2/3 од 45 милиони слепи во светот, а дека 90% од нив доаѓаат од земјите во развој.

"Луѓето прашуваат - Што е најлошо што може да ти се случи? Јас им велам - да го изгубите видот", вели Ранкин.

Рејчел Хилд од организацијата Sightsavers додава дека во 75% од случаевите губењето на видот може да се спречи.

"Има многу причини зошто слепилото кај жените е толку распострането. Жените живеат подолго, а во неразвиените земји, докторите и препаратите се помалку достапни. Најголем број на случаеви се болни од катаракта или трахома. Една причина зошто работиме на оваа кампања со Ранкин е желбата на креативен начин да ја пласираме својата порака", вели Рејчел.