Што ќе се случи ако престанете да се туширате?

Колку пати сте се вратиле дома преморени и веднаш сте фрлите во постела, оставајќи го туширањето за наредниот ден?

На сите ни се има случено да прескокнеме едно или две туширања, но што би се случило ако во целост ја занемариме хигиената и сосема престанеме да се бањаме? Еве што дерматолозите имаат да кажат на тоа прашање.

Кога би престанале да се бањаме, со време на кожата би ни се наталожиле најразлични микроби, бактерии и вируси кои потоа би можеле да предизвикаат несакани проблеми.

На почеток најзагрозени ќе бидат нозете. Стапалата мора редовно да се мијат, бидејќи цел ден се „спакувани“ во чорапи и чевли, па без редовна хигиена може да настане опасна габична инфекција.

По стапалата, следни ќе настрадаат интимните делови. Препоните, пазувите и местата каде има многу потни жлезди мора редовно да се мијат бидејќи таму се собира потта и може да дојде до нивно затворање и воспалување. Покрај непријатниот мирис, кој настанува поради бактериите а не поради самата пот, би имале проблеми и со разни иритации и затоа овие делови треба редовни се мијат. Сепак, докторите препорачуваат да не се користат јаки сапуни.

На остатокот од телото нередовното бањате не остава веднаш последици, но после извесно време на кожата ќе почне да се таложи видлива нечистотија. Исто така, непријатниот мирис ќе стане буквално неподнослив.

Од друга страна, рацете мора редовно да се мијат.

Преку рацете се пренесуваат многу заразни и респираторни инфекции и затоа тие мора често и задолжително да се мијат. Најдобро е да се користи нежен сапун и после секое миење да се нанесе крем за раце, за да ги заштити од прекумерно сушење.