8 знаци кои ќе ви откријат дека сте внеле премногу кофеин

Кафе, зелен чај или газиран сок - тоа се пијалаци кои ги консумираме секојдневно по неколку пати, а кои се преполни со кофеин, па може да не доведат до чудно однесување и поинаква состојба на организмот.

Проверете ги овие 8 знаци и на време откријте дали денес сте претерале со внесувањето на кофеин.

1. Пребрзо зборувате

Некои луѓе зборуваат побрзо од други, но ако кај себе забележите дека устата ви е во 5-та брзина, а инаку сте посмирени, тогаш тоа е првиот знак кој ви открива дека треба да паузирате од кафе.

2. Имате напади на топлина

Ако во еден момент ви е претопло, а веќе во наредниот се смрзнувате, тоа е уште еден показател за „предозираност“ од кофеин.

3. Постојано мокрите

Ако испиете 3-4 кафиња во текот на денот, не се чудете што на секои 10 минути имате потреба да одите во тоалет.

4. Нервозни сте

Нервозата и нетрпеливоста без некоја посебна причина настануваат по повеќе од 2 чаши кафе или некој друг пијалак полн со кофеин.

5. Срцето ви чука силно и брзо

Ако имате впечаток дека во секој момент срцето ќе ви излезе од гради, тогаш сигурно сте внеле премногу кофеин.

6. На моменти губите свест

Ако забележувате дека на моменти се губите и исклучувате, па потоа сте хаотични и не можете да седите мирно, вистинско време е да престанете со кафето и газираните пијалаци.

7. Реакциите ви се нападни и неконтролирани

Ако некој тивко ве викне, а вие скокнете како да ви ставил мегафон на уво, тогаш време е да се замислите.

8. Чувствувате неверојатна жед

Потребата за вода како веднаш после десерт е уште еден знак дека треба да намалите со кофеинот.