Јадев по 40 лажици шеќер дневно. Еве што ми се случи (видео)

Човекот кој ја раскажува оваа приказна со години се хранел здраво, но заради експеримент одлучил да внесува огромни количини шеќер.

„Како и секој сингл маж во триесеттите години, имав многу лоши навики. Пушев по кутија цигари дневно, а што се однесува до храната не внимавав воопшто.

Но, како што обично се случува, запознав прекрасна жена. Заради неа почнав да се преправам дека ме интересираат работи за кои немав врска. Здравата храна, шејковите од краставици и авокадо, лебот од чиа семки беа неколку од нив. Така започнав да водам поздрав живот.

До тогаш консумирав околу 30 лажици шеќер во просек, но тогаш таа бројка ја намалив на 0.

По 2 месеци луѓето почнаа да забележуваат позитивни промени. Кожата ми стана чиста, немав веќе подочници и го намалив салото околу стомакот.

3 години подоцна добив понуда да снимам краток филм за штетното влијание на шеќерот.

Почнав да консумирам по 40 кафени лажички шеќер дневно, низ производите кои сите ги јадеме - сокови, десерти, газирани пијалаци... Промените ги следеше тим од лекари во траење од 60 дена.

Кој би рекол дека сосот за скара и слаткиот чили сос содржат повеќе шеќер, отколку чоколадниот сируп?

На почетокот ретко кој се интересираше за мојот филм, но откако за 12 дена накачив 3 килограми плус, и по 18 дена докторите ми дијагностицираа замастен црн дроб, работите се променија.

Црниот дроб ги претвора шеќерите во масти, па затоа не е ни чудо што многу луѓе се соочуваат со овој проблем.

Откако на продуцентот му ги соопштив вестите и резултатите, интересирањето за филмот доби сосема поинаков агол.

До крајот на експериментот се здебелив 8,5 килограми, развив склоност кон дијабетес тип 2 и имав замастен црн дроб. Плус, го зголемив ризикот од срцеви болести и си го проширив струкот за 10 сантиметри.

Заклучив дека шеќерот е една од најголемите опасности за луѓето. Тој ги активира истите центри во мозокот како кокаинот и сексот. Затоа луѓето стануваат зависни.“

Погледнете го трејлерот за краткиот филм и размислете за тоа што точно консумирате: