Главоболки предизвикани од клима уредите: Како да ги избегнете?

Речиси нема човек кој не ужива под клима, на 20тина степени кога надвор е најмалку двојно пожешко. Но, и ова уживање си има маана - главоболки.

Повеќето клими ладат на температура од 18 до 20 степени, па неретко во просториите недостасува влажност. Тој недостаток на влажност понатаму предизвикува:

- Дехидратација

- Студенило кое предизвикува контракција на мускулите и крвните жили

- Температурни шокови

- Чувствителност на кожата

- Болни главоболки

- Сувост во очите

Прв чекор во решавањето на овие главоболки е да го идентификувате проблемот.

Дали ви пречи постојаното стегање на мускулите? Дали пиете доволно вода? Дали климата ви го суши воздухот?

Најдобри резултати ќе постигнете ако ги комбинирате овие техники:

- Пијте многу вода.

- До вас секогаш имајте шише со распрскувач полно со вода и повремено пропрскувајте низ воздухот.

- Пијте или консумирајте доволно витамин Ц и работете на зајакнување на имунитетот.

- Не ја намалувајте температурата до минимум. 21 до 24 степени е сосема пријатна температура за работа. Секоја просторија под 20 степени предизвикува здравствени ризици.

- Прилагодувајте се кога излегувате надвор од климатизираната просторија. Порано исклучете ја климата или постојте неколку минути во просторија која не е толку разладена, па потоа излезете надвор.

- Не седете или стојте директно под климата, ниту пак свртени со грб кон неа. Во случај да не можете да го избегнете тоа, задолжително носете марама или наметка.

- Одржувајте ги синусите здрави. Распрашајте се за капки кои служат за превенција од воспаленија.

- Користете и капки за очи, односно обични вештачки солзи ако работите по 8 часа во климатизирана просторија.