Сируп за искашлување кој ќе ви се најде кога ќе почнат настинките

Комбинацијата од мед и кромид одамна е позната како неверојатно лековита кога се работи за кашлица.

Предноста на оваа природна комбинација е што е достапна во секој дел од годината, а се подготвува едноставно и секогаш може да ви е при рака.

Потребно ви е:

• 1 голем кромид
• 2-3 лажици природен мед

Подготовка:

Одберете една голема и здрава главица кромид. Излупете го и исечкајте го. Ставете го во длабок сад и прелијте со мед.

Садот покријте го со фолија и оставете да преноќи на собна температура.

Утредента смесата процедете ја низ цедалка и сирупот ставете го во стаклена тегличка. Земајте по 1 лажичка на секои 2 часа.

Оваа доза е за еден ден.