Модерниот начин на живот причина за честа опстипација?

Лаксативи - кога да се применат и колку се безбедни?

Поимот опстипација (запек) се дефинира како намалена фреквенција на празнење на цревата и/или отежната дефекација. Нормално дефекација се случува во интервали од 8-72 часа. Сепак кај 1-6% од здравите возрасни лица редовно се јавува опстипација додека кај имобилизирани стари лица опстипација се јавува дури и до 80%. При тоа опстипацијата е почеста кај жените постари од 30 години.

Причините за појава на опстипација се бројни почнувајки од: патувања (промена на храна и вода), недостаток на физичка активност (седечки начин на живот), исхрана сиромашна со растителни влакна, недоволен внес на течности, • занемарување на нормалното чувство за потреба од дефекација, употреба на некои • лекови (опиоиди, калциум антагонисти, неуролептици, антидепресиви, лекови за Паркинсонова болест) како и голем број други причини од невропсихолошка или метаболно ендокринолошка природа.

Во голем број на случаи опстипацијата може да се острани преку водење на редовен живот, балансирана исхрана богата со растителни влакна, зголемен внес на течности, редовна физичка активност како и ‘’тренинг’’ за секодневна редовна дефекација (пр.после појадок)

Сепак честопати потребна е употреба на дополнителни лекови или додатоци во исхраната т.н. Лаксативи со кои се стабилизира столицата. Во најголем дел овие производи се достапни во слободна продажба во аптеките и продавниците за здрава храна, така што пациентот честопати сам одлучува каков лаксатив ќе користи.

Сепак дел од лаксативите доколку не се користат соодветно може да предизвикаат низа на несакани дејства како што се грчеви, стомачни тегоби и навикнување поради што пациентите треба добро да се информираат пред да употребат лаксативи.

Особено внимателно треба да се користат т.н. стимулативни лаксативи (пр. сена, натриум пикосулфат, бисакодил) кои треба да се употребуваат само во одредени случаи и само краткотрајно заради надразнителниот ефект на стомачните органи како и опасноста од предизвикување зависност ако хронично се користат. Особено не се препорачува примена на стимулативни лаксативи при бременост бидејќи се зголемува ризикот од можна појава на предвремени контракции.

Во најголем број случаи на опстипација се препорачува употреба на осмотски лаксативи кои го зголемуваат волуменот на столицата и механички го чистат цревото (пр.Лактулоза, полиетилен гликол). За да се добие посилен лаксативен ефект (особено кај лежечки постари пациенти) се препорачува комбинирање на осмотските лаксативи со природни лаксативи (крушина , сена)

Во случај на долготрајна опстипација или појава на крв во столицата пациентот задолжително треба да се јави на лекар.

Прочитај повеќе на http://www.laksamol.hr/