Како да живеете среќен живот, по рецептот на најубавата холивудска дива - Одри Хепберн

Славната актерка Одри Хепберн, позната по големите улоги и хуманитарната работа, и понатаму останува пример за жените, кога се работи за стилот и убавината.

Водела здрав живот не само затоа што така е правилно, туку затоа што тоа ја исполнувало.

Во едно интервју објавено пред неколку години, најмладиот син на Одри, Лука Доти, го открил начинот на живот и 5-те златни правила кон кои се придржувала неговата мајка.

Токму тие правила може да ви станат насоки по кои ќе живеете посреќен живот:

1. Пијте многу вода

Инсистирала и влијаела на секој да пие многу вода. Одри така била израстена, со многу течности и овошје.

2. Јадете месо, но малку

Одри јадела месо, но во минимални количини. Дури 80% од нејзините оброци биле составени од овошје и зеленчук.

3. Не се плашете од стареењето

Таа имала здрава визија за својот живот. Воопшто не се плашела од староста. Секако, се жалела за брчките и белата коса, но барем вистински уживала во секоја година.

4. Компирот е задолжителен на вашето мени

За неа, компирот бил незаменлив дел од нејзината исхрана.

5. Уживајте во малите работи

Одри имала позитивен поглед на животот. Секогаш била таква каква што изгледала - наивна како мало дете. Секојпат кога ќе откриела нешто ново, била возбудена, баш како мало девојче. Го живеела животот со полни гради и се радувала на секој ден.

М. Д. | Црнобело