4 научно докажани причини зошто треба да уживате во тишината

Секој миг од нашите животи сме опколени со бучава и што е најважно, навикнати сме на ова акустично „загадување“ така што како воопшто да не забележуваме дека постои.

Речиси воопшто не обрнуваме внимание на сообраќајот, телевизорот, музиката...

Но, постојат 4 причини поради кои треба да се „почестиме“ со тишина:

1. Тишината ги регенерира клетките на мозокот

Според едно истражување направено на глувци, 2-часовна тишина помага да се формираат нови клетки во хипокампусот - дел од мозокот кој е одговорен за учење на нови вештини, за сеќавањата и емоциите.

2. Тишината нè прави креативни

Нашиот мозок е активен дури и тогаш кога одмораме. За тоа време, мозокот ги анализира сите информации кои претходно ги примил, па добро е тој период да го поминете во тишина.

3. Тишината нè ослободува од стресот и тензијата

Докажано е дека бучавата влијае на нашиот мозок така што се зголемува нивото на стрес. Тишината има спротивен ефект, нè ослободува од стресот и нервозата.

4. Тишината ни помага максимално да ги искористиме менталните способности

Бучавата ни пречи во решавањето на проблеми како при учењето, така и при работењето. Според одредени истражувања, дури и влијае на нашите мотивација, внимание и бројот на грешки кои ги правиме.

Н. Г. | Црнобело