6 совети за да го одржите здравјето на очите

Нашите очи секојдневно ги напнуваме како што го правиме тоа и со другите органи, но ретко кога тоа го забележуваме.

Токму затоа, ви предлагаме да запомните неколку совети и да го зачувате добриот вид:

1. Запомнете го правилото 3х20

Одморајте ги очите за да не ги напрегнувате премногу. Ако поминувате долго време во гледање на екран од компјутерот или мобилниот телефон, запомнете го правилото на британските доктори - На секои 20 минути гледајте на оддалеченост од (20 фити) 6 метри во траење од 20 секунди

2. Посетете офталмолог

Важен дел од очниот преглед е ширењето на зениците. Тоа е единствен начин во рана фаза да се дијагностицира било каква промена на видот, па и болести како глауком  или дегенерација на макулата.

3. Носете само квалитетни очила за сонце

Како што внимателно ја одбирате заштитната крема за кожата од сонцето, така треба да ги одбирате и очилата за сонце. Побарајте очила кои блокираат 99 до 100% од штетните UVA и UVB зрачења.

4. Спречете ги летните инфекции

Ако носите леќи, во топлите месеци посебно треба да внимавате на хигиената за да избегнете било каква опасност од инфекции.

5. Заборавете на цигарите

Веројатно воопшто не сте размислувале на тоа како чадот од цигарите може да влијае на здравјето на очите, но истражувањата велат дека истиот ја зголемува можноста за добивање на катаракта и оштетување на очниот нерв.

6. Контролирајте ја тежината

На видот се одразува и претераната дебелина. Вишокот килограми се сигурен пат до развивање на дијабетес кој може да ги оштети и очите.

Н. Г. | Црнобело