Смирување со неколку вдишувања, по примерот на будистичките монаси

Будистичките монаси велат дека стресот и напнатоста можат многу брзо и наједноставно да се намалат со правилно дишење.

Токму така, сè што е потребно за да се ослободите од нервозата е да дишете правилно.

Но, како можете да го постигнете тоа?

Основно правило за дишење

Држете го грбот исправен, затворете ги очите, релаксирајте се и размислувајте за нешто позитивно.

Брзо ослободување од стресот

Важно е да дишете длабоко, здивот да го чувате околу 4 секунди, а потоа бавно да го испуштите. Испуштајте го околу 5 секунди, а потоа повторно наполнете ги белите дробови со кислород.

За релаксација и разбистрување на умот

Едната рака ставете ја на чело, а другата позади главата. Оваа положба ја подобрува циркулацијата на крвта во мозокот и помага да се ослободите од стресот. Дишете кратко, но длабоко.

За смирување на нервите

Вдишете длабоко со усните благо отворени. Воздухот испуштајте го бавно преку усните со притискање на мускулите како да го туркате воздухот однатре.

Потоа обидете се вештачки да „зевате“. Земете воздух со отворена уста, држете го воздухот 2 секунди, а потоа бавно издишете.

Сега уште еднаш, вдишете низ нос, а потоа издишете низ уста, бавно додека целосно не го испразните воздухот од белите дробови.

Н. Г. | Црнобело