Јога вежба со која ќе заборавите на болките во грбот

„Предолгото седење, во одредени ситуации може да биде многу поопасно и од пушењето“ – вели д-р Џејмс Левин.

Предолгото седење, најчесто во неправилна положба, може да предизвика болки во грбот и половината, но и во вратот, колената и нозете.

Тоа е исто така причината, заради која доаѓа до таложење на масните наслаги во делот на бутовите, стомакот и задникот.

Правилото вели дека на секои 20 минути седење, би требало да станете и да се размрдате.

Следнава јога положба е одличен начин да го опуштите телото и да ги намалите болките во вратот и грбот:

Застанете така што стапалата целосно ќе лежат на подот.

Пeтите се свртени една кон друга, додека прстите се благо отворени кон надвор.

Растојанието меѓу петите е околу две дланки.

Колената се раширени.

Задникот е спуштен што поблиску до подот.

Грбот е исправен.

Главата ја следи линијата на ’рбетот и исправена со погледот насочен напред.

Лактите се поставени така што ги допираат внатрешните страни на колената.

Постепено со лактите туркате и ги отворате колената до позицијата до која се чувствувате удобно.

Внатрешните делови на бутините ги притискате кон страничните делови на телото.

Дланките се споени во пределот на градите.

Останете во оваа положба колку што можете подолго, на почеток 30-40 секунди, а потоа зголемувајте го времето.

За целото ова време, внимавајте грбот да ви биде исправен и правилно да дишете.

М. С. | Црнобело