Рацете не се топлат до оган, туку во вода: Што да правите кога ќе измрзнете на ладното надвор?

Кога надвор температурите се вакви како во моментов, не е ништо чудно рацете да ви смрзнат за 5 минути, а носот и ушите да ви се скаменат и со минути да не ги чувствувате.

Што да правите, а што не, кога ќе смрзнете затоа што надвор времето нема жал и е брутално студено?

Прво одредете го степенот на смрзнатините

Површински смрзнатини - чувствувате отрпнатост, тенот е посветол или евентуално на места поцрвен од вообичаено.  Можно е да реагирате на допир повеќе од вообичаено.

Лесни смрзнатини - во моментот кога ќе ја изгубите чувствителноста на кожата, тогаш следува овој степен. Кожата обично е бело-сивкаста и може да се јават плускавци.

Сериозни смрзнатини - Кога кожата ќе стане бела и почнува да се стврднува како восок, тогаш станува сериозно. Можни се безживотни делови со сивкаста нијанса како и мали плускавци на кожата кои можат да бидат исполнети со течност или ретка крв.

Што да правите, а што не откако ќе смрзнете?

Не ги тријте смрзнатите делови. Доволно е да ги покриете со нешто меко и топло.

Напијте се нешто против болка. Не пијте апчиња кои помагаат при настинка и температура.

Нежно загревајте го смрзнатиот дел во млака вода. Оганот или било каквиот извор на топлина не е опција.

Не пијте алкохол.

Доколку се плашите, задолжително посетете лекар.

Препораки како да се заштитите:

Носете повеќе слоеви облека.

Бидете најадени пред да излезете на ладно.

Не пушете цигари и не правете пуш паузи на минусни температури.

Не користете козметички препарати на база на вода, или користете ги барем 1 час пред да излезете.

М. Д. | Црнобело