7 навики за кои сме убедени дека се корисни, а не се

Секој од нас си има свои ритуали до кои се држи за да биде во добра форма, здрави и витки.

Некои од тие ритуали како што се вежбањето и миењето на овошјето и зеленчукот, на пример, навистина се неопходни.

Но, други пак, не само што се покажале како некорисни, туку многу често знаат да бидат и штетни.

На пример:

Замена на витамините со апчиња и додатоци кои содржат вештачки произведени витамини

Употребата на разни витамини и додатоци во исхраната не го намалуваат ризикот од тоа да добиете одредени болести и немаат ефект на вашата меморија и на перформансите. Од истражување направено во Америка на 450 испитаници, се открива дека витамините дури може и да имаат негативни ефекти на здравјето.

Користите антибактериски гелови кои не содржат алкохол

Антибактериските гелови убиваат голем дел од вирусите и бактериите, но само ако содржат барем 60% алкохол. Во секој случај, подобро е да ги миете рацете отколку да користите само антибактериски гел.

Одбивате да јадете глутен

Непријатните симптоми како главоболка или вртење кои се резултат на внесениот моносодиум глутамат или уште попознат како глутен можат да се појават само ако издете 3 грама од него во чиста форма. Во секој друг случај мали се шансите да имате било каква реакција на оваа супстанција.

Го чистите телото со диети за детоксикација

Диетите за детоксикација се многу популарни, но реалноста е дека не ни се потребни, бидејќи телото само е способно да се соочи со токсините и со помош на црниот дроб да ги исчисти. Тоа не значи дека целосно треба да заборавите на кислородните коктели и здравите смутија.

Користите органски производи

Во многу земји правилата за производство на органска храна не се регулирани, па никој не може да ви гарантира дека оние кои ја имаат лепенката „bio“ на себе не биле произведени и растени со пестициди. Единствената разлика е што ќе ги купите поскапи.

Избегнувате да ја користите микробрановата

Да, микробрановата ги намалува корисните состојки на храната, но истото го прави и рерната. Во некои случаи, заради тоа што пократко се готви храната, микробрановата се покажала и како корисна.

Јадете ниско маслени производи

Мастите, како и протеините и јаглехидратите му се потребни на организмот и не можете целосно да ги исфрлите од исхраната.

Н. Г. | Црнобело