Дали спиете правилно?

Во просек, луѓето поминуваат околу 25 години од својот живот во кревет, што е навистина многу долг период за да спиете неправилно.

Дали знаете дека неправилната положба за време на спиењето, влијае на голем број од проблемите поврзани со болки во грбот и половината?

За телото да може да се одржи во правилна положба, потребно е пред сè да имате соодветна перница.

Неправилната положба на главата и вратот, сериозно влијаат врз ’рбетниот столб и целото тело.

Доколку спиете на страна, идеалниот број на перници е 2, за разлика од спиењето на грб, за што ви е доволна само една перница.

Тоа значи дека при спиењето на грб, брадата и телото би требало да формираат прав агол.

Друг важен елемент за правилно држење на телото е креветот.

Иако секој од нас има различни преференции кога е во прашање големината, тврдоста или мекоста на креветот, сепак е важно да се има предвид дека постојат неколку важни правила при изборот на душек.

Душекот треба да биде доволно тврд за да го одржи прав ’рбетниот столб и да спречи какво било непријатно извиткување на телото.

Исто така, ако душекот ви е стар и веќе во него се создала вдлабнатина од вашето тело, време е да го замените за нов.

М. С. | Црнобело