Кога главоболката не поминува: 14 начини за природно лечење

Главоболката како хронична или акутна болка, е една од најчестите болки кои ги чувствуваме.

Се појавува поради различни причини, како што се стеснувањето на крвните садови во вратот и главата, недостаток на кислород во мозокот, вкочанети мускули во горниот дел од телото, претерана активност на мускулите, недостаток на глукоза, оптеретување на очните нерви или воспаление на синусите.

Со цел да ги минимизирате или целосно да ги елиминирате болките, без консумација на штетни лекарства, ви ги предлагаме следниве едноставни и корисни трикови:

1. Пијте повеќе вода. Звучи едноставно, но, голем број од главоболките се предизвикани од дехидратација.

2. Масажа на главата. Истражувањата покажале дека масирајќи го тилниот нерв (долниот дел од главата, каде што завршува тилната коска) главоболката се намалува за цели 70%.

3. Притиснете ја точката на раката која се наоѓа помеѓу вашиот палец и показалец. Масирајте го местото умерено две минути, и потоа префрлете се на другата рака.

4. Истегнете се. Како што напоменавме погоре, главоболките се често предизвикани од тензија во мускулите. Едноставните вежби за вратот и грбот ќе помогнат во ослободување на мускулната тензија, односно елиминирање на главоболката.

5. Јадете овошја кои содржат многу вода. Доколку вашата главоболка е предизвикана од дехидратација, ова е сладок начин кој ќе ви помогне преку хидратација на цело тело, да се чувствувате подобро.

6. Нанесете ментол на горниот дел од телото и главата, а потоа благо масирајте околу пет до десет минути. Дејството на ментолот се покажало многу корисно во забрзување на крвотокот, а оттаму се поттикнува и активирање на крвните садови во мозокот, односно дополнителен кислород кој делува благотворно против главоболката.

7. Дишете длабоко. Кога чувствувате болка, вашето тело е под стрес. Длабокото вдишување ќе ви помогне да се релаксирате и да ја ублажите тензијата.

8. Напијте се чаша кафе. Главоболките можат да бидат предизвикани и поради ширење на крвните садови. Кофеинот делува спротивно, ги стеснува крвните садови и ги доведува во нормална големина.

9. Растворете малку јаболков оцет во чаша вода и додадете сок од лимон. Јаболковиот оцет помага да се врати нормалната киселост и алкалната рамнотежа на телото, која може да биде причина за болки во главата.

10. Напијте се чај од ѓумбир. Ѓумбирот има анти-воспалителни дејства кои ќе ви помогнат во напнатоста во вратот и мускулите.

11. Ставете малку мраз на слепоочниците. Артеријата која носи крв до обвивката на мозокот се наоѓа токму околу овој дел. Кога имате мигрена, обвивката се воспалува, и намалувањето на нејзината температура со овој трик ќе ви помогне за нејзино ублажување.

12. Истуширајте се со топла вода. Топлата вода ќе ви помогне да ја опуштите мускулатурата.

13. Изедете нешто зачинето со чили или црвен мелен пипер. Овие зачини содржат капсиацин, кој делува благотворно на толеранцијата кон болката.

14. Медитирајте. Фокусирајќи го вашето внимание на нешто друго и регулацијата на вашето дишење исто така може да ви биде од голема корист за ослободување на болката во главата или телото.

И. И. | Црнобело